西甲:皇馬火力全開大反擊

皇馬火力全開大反擊施丹隔離照搶奧沙辛拿西甲周六尾場，奧沙辛拿主場迎戰皇家馬德里。奧沙辛拿今季戰績低落，現居西甲榜末倒數次席，球隊上下都心急搶分；「銀河艦隊」自從歐聯晉級後重回勝軌，近6場聯賽錄得5勝1和，狀態對辦，不過主帥施丹要接受隔離未能領軍，今場作客未必穩奪3分，考慮到雙方近5次交手4次開總入球4球或以上，捧2.5球入球大更好路。（Now632周日凌晨4時直播）奧沙上季升班後企穩西甲第10名，雖然後防失球頗多，但前場攻力唔弱，上季38場聯賽攻入46球，場均入波超過1粒，但今季表現有所下滑，後防失球數字仍然高企，攻力則稍為下降，幾位前鋒產量甚低，反而羅拔圖托利斯及魯賓加西亞兩位翼鋒成為入球主力，導致球隊聯賽排名急跌，下半季必須急起直追。皇馬主帥施丹因球隊歐聯演出失準，去年底出現帥位危機，但隨着歐聯分組賽出線，「銀河艦隊」亦順利反彈，近6仗連取16分後升上西甲次席，現時落後馬德里體育會2分並多踢兩場，要爭取衞冕要繼續努力搶分。皇馬火力強盛，上述6仗合共攻入13球，除咗由沙治奧拉莫斯同費蘭特文迪率領嘅防線抵讚之外，前鋒賓施馬腳風又起順，配合卡斯米路及費達歷高華維迪等攻擊好手，今場可以放心向對手全力進攻。奧沙辛拿主場鬥攻今場牌面上皇馬壓倒性佔優，但奧沙近況亦不俗，佢哋近4場聯賽連盃賽錄得1勝3和不敗，合共攻入7球，今場面對皇馬來犯唔會退縮，定必全力搶分，惡戰難免。賽前皇馬傳出消息，施丹曾與確診者有密切接觸，雖然佢檢測後並無「中招」，但按規定要接受隔離，今仗未能領軍。睇埋往績，雙方近5次交手有4次開4球或以上，似乎容易開出大比數波膽，當然追中位數2.5球入球大就最穩陣。