西甲:華倫反彈上盤手到拿來
时间:2021-01-21 15:31:01来源:原创華倫反彈上盤手到拿來西甲頭場上演「護級大戰」,華倫西亞主場鬥尾2嘅奧沙辛拿。華倫今季成績麻麻,早前更曾跌入降班區域,不過隨住上場聯賽作客擊敗華拉度列,加上西盃第2圈同第3圈輕鬆晉級,近3場賽事全勝令球員重拾信心,為早日逃離降班漩渦,可望一
華倫反彈上盤手到拿來西甲頭場上演「護級大戰」,華倫西亞主場鬥尾2嘅奧沙辛拿。華倫今季成績麻麻,早前更曾跌入降班區域,不過隨住上場聯賽作客擊敗華拉度列,加上西盃第2圈同第3圈輕鬆晉級,近3場賽事全勝令球員重拾信心,為早日逃離降班漩渦,可望一鼓作氣砌低奧沙辛拿,讓平半上盤抵玩。(Now632周五凌晨2時直播)華倫教練查維加西亞早前陷入被炒危機,好在球隊及時振作連贏3仗。事實上佢哋人腳唔曳,好似卡路士蘇拿、李康仁、麥斯高美斯同荷西加耶等都係好波之人,只要球隊重建信心,嚟緊半季可望愈踢愈順。「蝙蝠兵團」近年專剋奧沙辛拿,近6次喺主場迎戰奧沙辛拿錄得全勝,未落場心理上已經先贏一仗。奧沙辛拿近12場聯賽不勝暫排尾二嘅奧沙辛拿形勢水深火熱,加上佢哋狀態低迷,目前正經歷連續12場聯賽不勝頹勢,對上5場聯賽作客狂失12球,防線嚴重不穩,今場更有防線主力大衞蘇比利亞停賽,進一步削弱防守力量,作客對住回勇嘅華倫西亞,睇嚟難逃一敗,主隊上盤有計。
美图画报