巴塞搵乙组仔祭旗美斯刑满复出今晚西盃16强焦点战，巴塞隆拿作客乙组仔华历简奴。巴塞早前爆冷失落西超盃坚冇面，难得马德里双雄已经出局，「地上最强」仲唔趁机争西盃咩，而且队长美斯坐完波监复出，必搵呢支弱旅祭旗，有望大胜而回，直取让球客胜。巴塞
巴塞搵乙组仔祭旗
美斯刑满复出
今晚西盃16强焦点战，巴塞隆拿作客乙组仔华历简奴。巴塞早前爆冷失落西超盃坚冇面，难得马德里双雄已经出局，「地上最强」仲唔趁机争西盃咩，而且队长美斯坐完波监复出，必搵呢支弱旅祭旗，有望大胜而回，直取让球客胜。
巴塞近期表现麻麻，先喺西超盃4强同决赛法定时间不胜，决赛更输畀毕尔包2比3，仲有队长美斯首度喺「地上最强」食红牌被逐，输波又输品，之后喺上圈西盃作客丙组仔哥尼拿，法定时间有比真历及奥士文尼迪比利射失12码，搞到要踢加时先至赢2比0晋级，直至日前联赛轻取艾尔切两粒，但呢4仗演出都几肉酸。好彩美斯经过两仗停赛后，今仗可以复出，誓要赢番场好好睇睇嘅胜仗。
华历简奴博升班无心争盃
查实华历简奴人脚唔曳，除咗有前李斯特城中锋荷西乌路亚及前曼联翼锋碧比助阵，仲有皇马主帅施丹囝囝卢卡施丹把关，依家喺西乙位居前列，不过当前任务梗係争升班，而且今仗西盃撞正「剋星」巴塞，整定冇运行。双方近13次碰头巴塞赢晒，其中12次赢2球或以上，值得一提嘅係，喺呢13次交锋中，美斯踢咗10场，共入17粒及交出7次助攻，今仗复出正好搵华历简奴洩愤，加上皇马同马体会喺西盃早早出局，令巴塞夺标机会大增，造访「私房菜」一定尽数。
此文章内的所有观点和内容皆为作者个人意见，并不代表999体育观点；文章所示的任何数据和资料仅供合法中国体育彩票参考及交流之用。
任何公司或自媒体如需转载，请标注“转载自999体育”，严厉打击任何抄袭行为，我们将保留法律追究的权利！