世歐洲:德國一放到尾速食北馬其頓

德國一放到尾速食北馬其頓今個國際賽檔期進入尾聲，兩大名牌球隊德國及意大利都交出水準，在各自小組兩連勝，今晚再度亮相！J組德國將回師主場迎戰北馬其頓，德國鍾意速戰速決，一於再捧半場主勝（有線664及604台周四凌晨2時45分直播）；意大利勝在夠穩陣，連續4場贏2比0，今晚喺C組作客立陶宛，3.5球入球細好路。（有線665及605台周四凌晨2時45分直播）德國主帥勒夫早前宣布歐國盃後卸任，球隊解除心結，世盃外首兩仗交出連捷，分別大炒冰島3比0及小勝羅馬尼亞1比0，兩場都係半場領先贏到尾；哥列斯卡、夏維斯、根度簡同基拿比都有「士哥」，而且贏波後唔自滿，球隊上仗擊敗羅馬尼亞後檢討得失，承認表現唔理想有被扳平風險，比賽態度相當嚴謹正確。德國主場出擊仲有個數據，就係近11場主場6勝4和1負，其中9次半場領先，今晚迎戰由彭迪夫領軍嘅北馬其頓，預計亦可半場入波佔先機。立陶宛「細」守意大利至於意大利作客立陶宛一戰，雙方實力懸殊；意軍今次檔期徵召多人輪換，唔使留力，而且踢法穩中求勝，杜文尼高貝拉迪、恩莫比尼、文路爾盧卡迪利同比洛迪都交出入球。立陶宛喺今個國際賽檔期踢咗兩場，先喺熱身賽吞科索沃4蛋，上仗對瑞士僅輸0比1，相信今次迎戰意大利會繼續死守，捧入球細啱數。順帶一提，意大利今場只要唔輸，就可追平2006世盃冠軍名帥納比嘅25場不敗紀錄，文仙尼領軍下，將帥今場都會認真應戰，力求穩中求勝。