意甲:羅馬阿特蘭大演入球騷

羅馬阿特蘭大演入球騷今晚續有意甲上演，其中羅馬主場迎戰阿特蘭大；羅馬雖然上場作客輸波，但其實佢哋開賽3分鐘已打開紀錄，保持進取踢法，返主場勢必加強火力，爭取重敲勝鼓。阿特蘭大狀態大勇，取得聯賽5連勝，作客唔怕同羅馬鬥攻，加上雙方近6次聯賽交鋒，5次總入球達3球或以上，再追中位數2.5球嘅入球大。（myTVGold301、Now638、有線654、614、662及602台周五凌晨零時30分直播）羅馬踢法進取，主場出擊更加搶韁，今季16場聯賽主場有14場取得入球，合共轟入34球，換言之平均每場入波超過兩粒。呢支首都球隊近期傷兵問題已有改善，進攻主將米希達利恩已經復出，兩位射手迪斯高、馬約萊爾亦頻頻有波入，要攻破阿特蘭大防線並非難事。不過，羅馬防守相對較弱，佢哋近5場聯賽有4場失2球或以上，恐怕今場難保清白之身。轟入72球冠絕意甲阿特蘭大今季31場聯賽已經轟入72球，屬於意甲各隊之中最多，當中一對前鋒路爾斯梅利爾及杜雲沙柏達合共攻入31球，而且阿特蘭大近10場聯賽贏咗9仗，今場隨時反客為主強攻羅馬，大盤值得捧場。