世南美:巴西再食大茶飯

豪華鋒線圍攻厄瓜多爾世界盃外圍賽南美洲區，巴西主場迎戰厄瓜多爾，「森巴兵團」4戰4勝合共轟入12球，攻力強勁，加上巴西日前接手成為美洲國家盃主辦國，更加要做齣好戲壯聲勢，預料會強攻對手，力爭保持全勝。至於厄瓜多爾踢法進取，近3場外圍賽總入球都達到5球或以上，一於再追2.5球嘅入球大。（周六早上8時30分開賽）巴西傳統進攻足球聞名於世，今次大軍名單擁有多位進攻猛將，包括尼馬、羅拔圖法明奴、加比爾捷西斯、李察利臣等。其中尼馬及羅拔圖法明奴今屆外圍賽已各自有3球進帳，以「森巴兵團」嘅豪華鋒線，恐怕厄瓜多爾難以招架。不過，巴西防線相對較弱，之前對住實力一般嘅秘魯都要失兩球，幸好憑銳利攻勢，最終反勝4比2，預計巴西今場未必可以保持清白之身。厄軍以攻代守至於厄瓜多爾自首場外圍賽不敵勁旅阿根廷之後，近3場外圍賽全勝，合共攻入13球，比巴西更加多，今場作客唔會坐以待斃，絕對有能力喺巴西身上取得入球。不過，厄瓜多爾失球數字亦唔少，佢哋4戰已經失咗6球，遇上擅攻嘅巴西，防線勢必承受沉重壓力，兩軍鬥攻情況下，有望合演入球騷，大盤咪錯過。