世歐洲:意大利兵疲輪換捱細界

世盃外歐洲區C組賽事，意大利似乎仍然沉醉喺今夏歐國盃冠軍嘅勝利當中，近兩場世盃外都只能夠同對手打和，把握能力不足問題再次浮現，主場對住弱旅立陶宛，客隊肯定會全軍退守望搶1分。意大利預計大幅輪換下，只求贏波難望大炒，中位數3.5球入球細有計。（有線603台周四凌晨2時45分直播）意大利捧走歐國盃冠軍後，今個月兩場世盃外都踢唔出冠軍風範，先喺主場1比1打和保加利亞，上場作客同瑞士悶和0比0，最大問題係球隊經常浪費機會，喺歐國盃狀態大勇嘅費達歷高基艾沙表現跌Watt。對住瑞士失分後，領隊文仙尼坦言陣中球員出現疲態，預料今場會大幅輪換，恩莫比尼等將會休息，入波能力更加削弱。立陶宛防線頂得兩嘴意大利向來都唔係火力強大，近9場比賽總入球全開3球或以下，首循環作客立陶宛亦只係小勝2比0。立陶宛新任主帥伊雲奴斯卡斯，今次國際賽前確診新冠肺炎而未能督師，不過球隊防守唔算太差，上場作客保加利亞亦堅守到完場前先至失波輸0比1，今場就算輸波都唔會太肉酸，捧細盤穩陣。