維拿迪馬愛華頓細抗奧希金斯|東方日報

周二朝早智甲中游大戰，維拿迪馬愛華頓主場迎戰奧希金斯。維拿迪馬愛華頓防守了得，今季智甲只失12球；奧希金斯作客打折扣，加上近3次交手全開2球或以下，熱捧2.5球入球細。■（周二早上8時27分開賽）

主隊防守好失波少
相對於早幾季，維拿迪馬愛華頓同奧希金斯表現都有進步，維拿迪馬愛華頓要兼顧南球盃下，聯賽成績唔算太差，只係勝率較低，但要贏佢哋又唔容易，連盃賽在內，佢哋近8場獲4勝4和。「愛華頓」搶分之道就係靠守，今季14場聯賽只失12球，除咗榜首高路高路外，「愛華頓」同排2嘅紐柏萊斯失球最少。

奧希金斯作客腳軟，近4場只得1和3負，最主要係入球能力曳，呢4場全部零入球，不過球隊啱啱聯賽主場同高路高路踢成1比1，打番起信心，今場有望頂得住維拿迪馬愛華頓。翻查紀錄，兩軍近3次對賽，全開2球或以下，今場勝負難料，捧入球細似乎更明智。