西甲：基羅納火力澎湃平手盤剋迪_東方日報

今晚西甲焦點賽事，貝迪斯主場挑戰榜首基羅納。貝迪斯雖然連續12場聯賽不敗，但攻力欠銳，反觀基羅納火力澎湃，挾近9場聯賽8勝1和超強戰績，平手盤梗係撐基羅納。

（Now 632周五凌晨2時直播）
貝迪斯近年穩佔西甲中上游席位，而且佢哋自9月中慘敗畀巴塞後，連續12場聯賽未輸過，不過當中有7場打和。貝迪斯最大問題係攻力麻麻，17輪聯賽入得19粒咁大把，單計近3場聯賽只入1球，亦係頻頻失分嘅主因。

入波分布廣難以防範
「神奇球隊」基羅納愈踢愈醒神，近11場豪取10勝1和，單計聯賽近9場獲8勝1和佳績，包括早前作客砌低巴塞。未計周中快車，基羅納17輪聯賽攻入41球，屬西甲之冠，連皇馬同巴塞都唔及佢哋，上輪輕取艾拉維斯3比0，梅開二度嘅杜夫比克喺聯賽入咗10粒，加上入波球員分布夠廣，對手防不勝防，寧買當頭起，平手盤必捧基羅納。