買波前留意　利華古遜收起夏維斯

買波前留意　利華古遜收起夏維斯德國盃4強沙貝魯根對利華古遜周三凌晨2點9開波，大眾焦點除咗關心沙貝魯根呢支非聯賽球隊有幾犀利，都要睇實利華古遜軍情，該隊主帥保斯(PeterBosz)賽前證實，今場收起攻擊重心夏維斯，畀大家買波前參考。夏維斯因為肌肉受傷，缺陣上仗2比4負於拜仁慕尼黑嘅聯賽大戰，教練保斯透露，雖然夏維斯傷勢已康復，但唔想冒險派佢上陣，令佢傷勢復發，佢話：「對佢嚟講仲係太早，佢今場唔會上陣，我希望佢保持健康，等待嚟緊周日復出。」除咗夏維斯，中場老將拿斯賓達亦受傷缺陣，不過前鋒禾蘭將會披甲，剛滿17歲嘅最年輕德甲入球球員華迪斯亦隨時候命。利華古遜預計陣容：門將哈迪基；後衞莊拿芬泰希、施雲賓達、塔蘇巴；中場米素爾韋沙、艾蘭古斯、迪米亞巴爾、雲達爾拿斯文圖；比拿拉比、禾蘭、華迪斯。