英聯盃:白禮頓曼聯再做大騷

白禮頓曼聯再做大騷2020/09/30英聯盃周四凌晨續演4場16強賽事，3場屬全英超對碰，當中白禮頓會喺主場對曼聯，繼上周聯賽後再次交鋒。白禮頓上場以2比3輸畀紅魔，但其實佢哋全場射中3柱2楣，表現唔失禮，今場為過關、為復仇肯定搏命，佢哋今屆曾經以4比0大炒樸茨茅夫，火力一啲都唔弱，曼聯上圈作客派副選桑馬達、恩哈路同連格擔大旗都照贏盧頓3比0，今場再鬥「海鷗」，好大機會再演入球騷，2.5球嘅入球大值捧。（周四凌晨2時45分開賽）曼城小將孭飛冇氣「細」至於衞冕盟主曼城會作客鬥般尼，曼城兩大射手阿古路同加比爾捷西斯繼續養傷，今場勢派大量年輕球員上陣。曼城上圈主場對今季降落英冠嘅般尼茅夫，都只能險勝2比1，作客對住硬淨嘅般尼唔易應付，揀3.5球嘅入球細好路。（周四凌晨2時開賽）今季季初演出令人眼前一亮嘅愛華頓會喺主場迎戰韋斯咸，愛華頓上場英聯盃收起咗占士洛迪古斯、阿倫盧利奧等猛將，但有基菲爾施古臣、伊禾比依然夠殺，作客大勝費列活特5比2。韋斯咸對上2圈分別大勝查爾頓及侯城，上場聯賽更以4比0大炒一向擅守嘅狼隊，信心爆棚，相信呢場會有唔少入波出現，捧2.5球嘅入球大。（周四凌晨2時45分開賽