英超:薛耶治亮相車路士大盤修成期

薛耶治亮相車路士大盤修成期今晚車路士主場鬥修咸頓，「藍戰士」開季4場只有2勝1和1負，成績未如球迷預期，不過今場有進攻核心薛耶治首度登場，大大加強鋒力；修咸頓亦有禾確特回歸，可望合演入球騷，中位數2.5球大盤值支持。（Now621周六晚10時直播）禾確特回歸「聖人」車路士今季引入迪姆華拿及夏維斯等新兵後，進攻火力更猛，另一新兵薛耶治日前亦喺國際賽為摩洛哥復出，今晚可以喺英超處子登場。薛耶治創造力極強，由佢「發辦」就最啱，一眾鋒將唔愁冇入波機會。作客嘅修咸頓開季連輸2場後，休戰前2場聯賽均能高奏凱歌，球員信心有所提升，除王牌丹尼艾格斯延續上季勇態，開咧4場入3球外，「聖人」喺轉會窗死線前簽入禾確特同中場伊巴謙馬迪亞路，其中禾確特近年雖然未見突破，但佢嘅速度依然係修咸頓一大殺着。車路士今季對住實力較弱嘅對手往往搵到食，喺白禮頓、西布朗及水晶宮身上至少攞到3個入球，4場聯賽有3次總入球達3球或以上，大盤好路。