希臘讓主「爾」成定局

希臘讓主「爾」成定局
 
歐國盃F組賽事，希臘會喺主場迎戰北愛爾蘭，新教練雲尼亞里係時候要敲響勝鼓，適逢對手北愛實力唔強，今次人腳亦都唔完整，希臘唔贏仲等幾時，不妨大膽少少，捧2.25倍嘅希臘「讓主」。（周二14，香港時間周三2:45am開賽）
希臘上場以1:1賽和芬蘭，新教練雲尼亞里仲未打開自己上任後嘅勝利門，今晚真係最好嘅時機，雖然冇班落嘅隊長加拉高尼斯宣布退出國家隊，但係賓菲加中場安達斯森馬拉斯、多蒙特後衛柏柏斯達夫普路斯，同埋羅馬後衛托路斯迪全部入選，實力得以保持，主場出擊值得睇好。
北愛爾蘭喺小組兩戰全勝，但上仗對手只係法羅群島，小勝2:0其實冇咩值得高興，而且陣中兩位比較有名氣嘅球星，包括曼聯中堅莊尼伊雲斯，同埋西布朗中場布拉特都分別因傷退咗隊，北愛戰鬥力更形削弱，捧希臘2.25倍嘅「讓主」！

匈牙利遇法羅群島值博

至於F組以法羅群島實力最弱，佢哋已經先後輸俾芬蘭同埋北愛爾蘭，今晚即使喺主場面對匈牙利都唔值得睇好，因為客軍有施沙拉爾同謝拉等具卡士戰將，實力方面有一定保證，足智彩開讓球主客和，捧匈牙利1.9倍「讓客」一定「法」。（周二10，香港時間周三2:45am開賽）
另外同組芬蘭對羅馬尼亞實力接近，兩隊不分勝負機會大，捧和局最好路。（周二11，香港時間周三2:45am開賽）