樂比堅尼：藍戰士攻城歎魚生粥

英超聖誕新年快車第一檔期展開，上周六戰果尚算正路，其中次席嘅曼城近期步步進逼，相信車路士為保榜首地位，今戰作客史篤城唔會掉以輕心。「藍戰士」領隊莫連奴向來心思縝密、紀律嚴明，佢做「車長」期間踢過4次聖誕快車檔期，合共取得12勝4和不敗佳績，當中封王嗰兩季更加係4戰全勝，值得對「寸王」同車仔客W投以信心一票。

（now621台周二凌晨4:00直播）

今日波係得幾場，球迷焦點一定放喺英超獨腳戲史篤城對車路士身上，雖然史篤城有「巨人殺手」之稱，今季先後贏過曼城同阿仙奴兩大勁旅，近年主場亦有一定戰績支持，但宏觀啲去睇，今季車路士正處於強勢，極大機會問鼎聯賽冠軍，樂比唔太建議同佢哋作對。

博「讓和」小勝史篤城
車仔今季表現咁穩定，主要原因係正選陣容甚少變動，佢哋喺英超踢左16場波，有4位球員場場係正選，另外亦有10人正選上陣13次以上，可以講車仔條Form已經Run順，喺冇重要傷兵嘅情況之下，相信「寸王」唔會作出重大改變。今戰係快車檔期第一擊，相信佢哋亦會強陣出擊，夏薩特、迪亞高哥斯達等主將皆可候命，絕對係攞定3分迎聖誕嘅最佳時機。

雖然樂比對車路士有一定信心，但客W得1.47倍確實略嫌乏味，幸好足智彩有即場投注呢個彩池！觀乎車仔近5次擊敗史篤城，最早嘅入波都出現喺27分鐘，有兩次更係下半場先破門，所以不妨等車仔賠率略為回升先至投注亦未遲，若然史篤城入波先嘅話再買車仔入波甚至反勝就更Perfect！至於早瞓睇唔到直播嘅球迷，如果嫌客W太熱則可小試「讓球和」，博車仔小勝收工。

盤路解碼
車路士近5場聯賽作客-1未贏過。

Data King：史篤城對賽6戰僅1W
車仔近3仗皆開「半勝」。

史篤城近6次對車路士只得1勝。

客隊今季英超作客只失9球。

乜都玩錦囊：2倍半場客勝有得諗
車仔近3戰半場都以領先優勢返入更衣室，今仗對手史篤城實力遠不如「藍戰士」，2倍嘅半場客勝可以一試。

樂比推介：車路士（客勝、讓和）