雷法爾 ：捧華倫2.35倍「讓主」

愛斯賓奴仲未回魂
華倫西亞自從有新加坡商人林榮福入主後愈戰愈勇，上場仲砌低皇馬打斷對方22場連勝紀錄！呢隻惡蝙蝠聽朝喺西班牙盃16強首回合主場迎戰愛斯賓奴，家陣佢哋士氣高漲，實在唔適宜同佢哋作對，加上班波喺自己地頭一向食住對手，就算讓波都冇有怕，直取2.35倍「讓主」。

（開賽時間：周四清晨5:00）

華倫近6次主場對賽不敗
「蝙蝠軍團」上場反勝皇馬2:1，反映球隊無論信心定狀態都處於高峰。依家球會有條大水喉射住，正積極增兵力求重返歐洲賽，為咗保住飯碗，邊到班球員唔搏先？就算中場皮亞堤倦勤，不過新兵安素佩雷斯上仗已擔正幫手，影響有限。事實上，華倫西亞近6次主場鬥愛斯賓奴，取得5勝1和不敗佳績，早前亦曾輕取對手3:1，今次想重溫舊夢唔難啫！

相反對手愛斯賓奴上場3連勝斷纜，主場以1:2輸畀伊巴，見到佢哋喺上半場4分鐘內極速失守2次，就知班波仲係放假mode未回魂啦！再者佢哋喺今季西甲作客只得1勝，對住畢爾包、巴塞等前列球隊基本上冇還擊之力，輸多場有乜咁出奇吖。