燕青隊主場無「迪」手

燕青隊主場無「迪」手

燕豪芬同埋川迪由荷甲鬥到落荷乙，呢兩隊將會派出青年隊互撼，不過聽到「川青」亮相就知道點樣買啦！始終「川青」近期喺荷乙真係毫無睇頭可言，連輸2場之餘夾埋仲失5球咁多，似乎仲未回勇；至於「燕青」近期不敵阿基里斯亦係好樣衰吓，不過有消息話燕豪芬會派一隊球員落嚟撐場，加埋主場威力即管信佢哋一次咁多啦！（周一5，香港時間周二3:00am開賽）
法乙昂熱就受到非國盃嘅影響，搞到陣容嚴重不整，而比斯特嘅傷兵用兩隻手都數唔晒，實力打折扣吼「細」。（周一6，香港時間周二3:30am開賽）（雷神）
突尼西亞「果」然有料 2015年01月26日
非國盃今晚上演B組最後一輪分組賽，由剛果民主共和國對戰突尼西亞。前者分組兩戰都打和，講真級數其實好一般，相反突尼西亞上場起碼識贏贊比亞，雖然和波佢哋都可以出線，但穩陣計都係贏波最着數，加上幾位法甲球員沙希、華比卡斯利以及艾登路亞全數可以候命，客勝值得捧場。（周一3，香港時間周二2:00am開賽）
同組佛得角對贊比亞，雷神會以兩軍對突尼西亞場波測量實力，當中佛得角迫和到突國，但贊比亞就輸1:2，整體表現計都係佛得角好啲，平盤有計。（周一2，香港時間周二2:00am開賽）