悉尼上盤「機」不可失

悉尼上盤「機」不可失 
     
澳職星期五上演獨腳戲由紐卡素噴射機主場對戰FC悉尼。兩軍近況可以話有天壤之別，噴射機已多場不勝，相反悉尼方面就贏到唔識停，所以初盤佢哋雖然讓到半一，但上盤可照樣放心捧場。（周五1，有線64及203台周五4:40pm直播）

客軍FC悉尼季初表現唔差，但到季中又一度跌落谷底，上年11月尾作客僅和西悉尼之後，接連再踢6場聯賽都贏唔到得3和3負劣績，當中試過0:3輸俾阿德萊德聯，並有連續4場冇波入紀錄，相信唔少球迷當時都會對佢哋前境感到擔心。
好在FC悉尼呢隊波似乎有啲運仔，狀態跌到咁上下遇着亞洲盃同澳職季中休季期，令佢哋可以休養生息，而事實經過長時間休息後，FC悉尼表現立即生猛番晒，至今踢5場波得4勝1和，水手、光輝同西悉尼都唔係佢哋手腳；值得注意係，射手真高喺呢5場波都有波入，腳風順到不得了，配合埋其餘主力好似史美斯、賴恩格蘭、艾賓尼伊斯爾以及保斯基都可以候命，就算謝斯巴治同泰華利斯要坐波監相信都冇有怕。

噴射機失波數字高

紐卡素噴射機聯賽排第9位，換句話講即尾2位置，搞成今時今日咁當然係同佢哋財力有限，搵唔到好球員有關；事實噴射機至今踢19場波僅1勝，失40球數字亦係全澳職聯最差，甚至遠喺榜尾西悉尼之上，防守力咁差當然好難爭取到佳績啦。
至於陣容方面，噴射機依家仍有祖舒巴里斯同占士域基利因傷倦勤，就算簡達路夫斯基同安祖賀利坐完波監復出，相信幫助都唔會太大； 加上翻查往績，噴射機近兩季主場對住悉尼原來輸晒，連數據都輸埋，真係好難信佢今日可以反底爆冷成功。