走肖：天鵝 紅軍做大騷

韓版 正版謝拉特激鬥
史雲斯今晚喺英超主場對利物浦夠晒話題性，最近弗到爆嘅「南韓謝拉特」奇誠庸，將會正面挑戰復出嘅利物浦「神奇隊長」謝拉特，加上「天鵝」同「紅軍」近5次對賽例開入球騷，今場「謝拉特 Vs 謝拉特」梗係玩1.92倍入球大啦！

（now621台周二凌晨4:00直播）

原本唔少球迷以為史雲斯將首席射手韋菲特邦尼賣去曼城後會冧檔，但實情係依家佢哋仲排緊英超第9位，上星期作客以2:3不敵熱刺都唔算輸得肉酸，當中南韓隊長奇誠庸喺近5場聯賽攻入3球，似受明星靚老婆韓惠珍有咗BB帶旺，今晚主場鬥「紅軍」，隨時又有機會做食奶嘴動作慶祝入波。

奇誠庸老婆有咗沖喜 「謝四」要踢爭氣波
至於客軍利物浦喺英聯盃出局後，雖然上星期喺足總盃主場0:0悶和布力般流浪，但睇番佢哋近11場取得8勝2和上佳戰績。「紅軍」今場就算有中場盧卡斯、後衞法拿根未好番，幸好隊長謝拉特已康復講明會復出，最近有「口痕友」話利物浦翻生全因佢受傷缺陣冇得佗衰家，「神奇隊長」聽到又點會唔踢爭氣波呀？

翻查往績，兩隊近5次交手已經連開5口入球大，當中「紅軍」取得4勝1和有絕對優勢，「天鵝」唔想再畀「紅軍」恰，主場出戰肯定要鍊到盡力求報仇，斷估佢哋都唔似會做衰仔死守。再講利物浦隨住戰績好轉搵到唔少新贊助商，上季除稅後利潤就有90萬鎊（約734萬港元），7年來首次錄得盈利，班球員肯定趁球會好景爭取表現，睇吓有冇機會加人工啦！

盤路解碼
史雲斯連續5次對利物浦開入球大。

Data King：「紅軍」角球細旺場
?史雲斯近5次交手得1和4負。

?史雲斯近9場未試過半場領先，期間6次打和、3次落後。

?利物浦近7場有6場開半場入球細。

?利物浦連續5場開角球細。

乜都玩錦囊：利物浦半勝要吼實
史雲斯連續9場未試過開半場勝，上半場幾乎唔識領先，相反利物浦近6戰有5次半場保持清白，既然對手咁難咬得入佢哋，今場波除咗入球大之外，「紅軍」半場勝都值得吼實。