西維爾難言穩“聖” 歐霸盃進入八強戲肉階段,明晨首回合有衛冕冠軍嘅西維爾先打主場,迎戰俄超勁旅聖彼德斯堡。 西維爾主場戰績相當彪炳,不但在西甲聯賽未
西維爾難言穩“聖”
歐霸盃進入八強戲肉階段,明晨首回合有衛冕冠軍嘅西維爾先打主場,迎戰俄超勁旅聖彼德斯堡。
西維爾主場戰績相當彪炳,不但在西甲聯賽未嘗一敗,近五戰亦取得三勝兩和,馬體會和巴塞兩大豪門亦只能摸和,主場威力勁到爆。牌面上,西維爾的確可以睇高些少。不過,聖彼德斯堡亦非善男信女,陣中球星屬於“有頭有面”,且在歐洲球壇身經百戰,既然入得八強,戰鬥力一定有返咁上下,西維爾未必容易得到太多“甜頭”。初盤西維爾讓半球/一球,博聖彼德斯堡隨時有數“維”。
西維爾近八場取得七勝一和走勢非常強勁,共攻入二十球,的確具備贏波本錢。但今場作客嘅聖彼德斯堡,相信會採取穩守突擊踢法,加強中後場攔截力。西維爾狂攻之餘,亦要小心防範對手突襲。
聖彼德斯堡擁有侯克與朗頓兩位攻擊手,衝擊力十足,中場有比利時國腳好波之人韋素,仲有查維加西亞、加雷、卡查哥夫、丹尼、天莫舒卓夫及基斯薛圖等名將,球隊攻守兼備,有力與西維爾抗衡到底。
推介:和波1:1