諾域治主場可得「米」 英冠爆發前列大戰,二哥諾域治狹5連勝餘威,喺卡羅路主場硬撼排第4嘅米杜士堡,3分預計會手到拿來,足智彩有讓球盤提供,金絲雀少讓平手、半球好合理,上盤淘「堡」。(周五24,無綫網絡電視30
諾域治主場可得「米」
英冠爆發前列大戰,二哥諾域治狹5連勝餘威,喺卡羅路主場硬撼排第4嘅米杜士堡,3分預計會手到拿來,足智彩有讓球盤提供,金絲雀少讓平手、半球好合理,上盤淘「堡」。(周五24,無綫網絡電視301頻道周六2:45am直播)
諾域治上周作客輕取列斯聯2:0,連勝場數已累積至5場,他們喺卡羅路主場出擊不嬲硬淨,而且兩位主力可以齊齊復出,包括韋達卡同埋坐完波監嘅巴特利莊臣,3分可謂袋袋平安。到訪嘅米杜士堡出晒名主強客弱,近期5場作客有4場要輸波,近7仗作客只入3球但怒失12球。拉斯威廉斯、達米亞、賴恩費特歷斯、活基治同埋艾度馬全部因傷倦勤,米杜士堡人腳唔算完整,作客卡羅路等輸,買諾域治上盤肯定冇錯。
英甲賽事方面,榜下游嘅維爾港唔止實力差勁,近8場不勝嘅表現亦令人擔心,今晚喺主場面對排第2位嘅普雷斯頓真係未能樂觀,後者已經保持咗13場不敗,上次輸波仲要係2月份足總盃越級挑戰曼聯失敗,今晚讓半球、一球上盤炒硬維爾港。(周五25,香港時間周六2:45am開賽)