Yennie ：廠仔遇寸王濕滯 榜首打吡撐車仔

「倫敦打吡」+「榜首大戰」，今晚英超勁好睇呀！阿仙奴喺酋長球場迎戰「一哥」車路士，兩隊波近期贏到開巷，不過老實講，聯賽冠軍相信係車仔囊中物，如果佢哋今晚贏埋，最快周中就可以提早封王！唔好忘記車仔領隊莫連奴近12次同雲格交鋒未輸過，今晚車路士受讓平半，1.83倍嘅下盤絕對值博！

呢場榜首大戰話題多多，畀「兵工廠」球迷視為叛徒嘅前隊長法比加斯首度重返酋長球場，肯定會畀主場球迷噓爆！法比仔為咗證明自己冇揀錯，今場亦肯定更加肉緊。雖然「士哥王」迪亞高哥斯達繼續養傷，不過球員先生大熱門夏薩特入球能力一樣咁勁，開季至今已射入13個英超入球，絕對係阿仙奴心腹大患。

「迪哥」繼續抖 夏薩特喪入波
車路士領隊莫連奴喺呢場大戰前比車仔球員放假，抖足兩日咁多，希望佢哋叉足電後，可以連贏兩場提早封王！足球比賽不嬲都係格食格嘅，睇番數據，原來莫連奴同雲格過去交手12次，「寸王」一次都冇輸過，拎到7勝5和嘅上佳戰績，莫連奴絕對係雲格剋星！

雲格鍊莫連奴 12戰不勝
雖然話「兵工廠」喺聯賽8連勝，走勢非常強勁，可惜車路士同樣冇收油，後上拎冠軍機會真係唔大。廠仔啱啱又喺足總盃進身決賽，相信班球員都覺得爭足總盃冠軍先係首要任務，今晚就算有主場之利，都唔易擊敗戰術大師莫連奴，車仔受讓平半一於捧下盤。

Data King：車仔交手4戰不失
?阿仙奴近8仗英超主場全開「主主」。

?兵工廠近8戰英超主場每場最少入2球。

?車路士近4次鬥阿仙奴均保持清白身。

?雙方近7次對壘，車路士取得5勝2和不敗。

盤路解碼
兩軍近10次對碰開出8口「入球雙」。

乜都玩錦囊：車仔泊大巴入波唔慌多
家陣車路士距離英超冠軍愈嚟愈近，今仗只要唔輸基本上都已經坐定粒六，寸王又點會突然同雲格鬥攻先？況且車仔嘅「大巴戰術」向來穩陣，上仗就大玩穩守突擊1球收死曼聯。相信寸王今場都唔會改變踢法，面對一心死守嘅藍戰士，阿仙奴邊似咁易咬得入，1.7倍入球細夠晒穩陣。